వైఎస్ఆర్ పెళ్లి కానుక కింద గిరిజన వధువులకు రూ. లక్ష అందిస్తామన్నారు. 200 యూనిట్ల వరకు ఉచిత విద్యుత్ను సరఫరా చేస్తున్నామన్నారు. అమ్మ ఒడి కింద 4.2 లక్షల ఎస్టీ విద్యార్థుల తల్లిదండ్రులకు రూ.15వేల లబ్ధి చేకూరుస్తామ న్నారు. ఏజెన్సీ ఏరియాలో గిరిజనులే వాలంటీర్లు, గ్రామ సచివాలయ ఉద్యోగులుగా రాబోతున్నారని చెప్పారు.
ప్రతి ఐటిడిఎ పరిధిలో ఒక సూపర్ స్పెషాలిటీ ఆసుపత్రిని ఏర్పాటు చేస్తామన్నారు. ఐటిడిఎ అధికారులు నిబద్ధతతో పనిచేస్తే గిరిజనుల అభివృద్ధి సాధ్యమవుతుందని స్పష్టం చేశారు. గిరిజనుల సంక్షేమానికి నిధుల కొరత లేదన్నారు. కేంద్రం నుంచి నిధులు సమకూర్చుకునేందుకు అవసరమైన ప్రణాళికలు రూపొందించాలన్నారు.
బాలికల వసతి గృహాలకు రక్షణ కరువైందన్నారు. ఈ సమస్యలను అధిగమించా లన్నారు. ప్రతి వసతి గృహం చుట్టూ సిసి కెమేరాలను ఏర్పాటు చేయాలన్నారు. గిరిజన ఉత్పత్తులకు కనీస మద్దతు ధరలు లభించే విధంగా చర్యలు తీసుకోవాలన్నారు. ఈ కార్యక్రమంలో గిరిజన సంక్షేమ శాఖ కార్యదర్శి ముఖేష్ కుమార్ మీనా, వైద్య, ఆరోగ్య, కుటుంబ సంక్షేమ శాఖ కమిషనర్ కార్తికేయ మిశ్రా, ఐటిడిఎ పిఓలు, గిరిజన సంక్షేమ శాఖ ఇన్ఛార్జి సంచాలకులు ఇ రవీంద్ర బాబు, గురుకులాల కార్యదర్శి భాను ప్రసాద్, ఇతర అధికారులు పాల్గొన్నారు.
.jpeg)
